ما بيعجبو العجب

7 يونيو 2010 at 8:19 م 10تعليقات

ما بيعجبو العجب

“عذراَ هالمرة رح اكتب التدوينة باللغة العامية “.

بلشنا امتحانات الدورة الفصلية الثانية للسنة الأولى بكلية الهندسة المعلوماتية  يوم الأحد 30 – 5 -2010 , وبصراحة كان برنامج الامتحان ل السنة يعني أحسن من هيك ما في 4 أيام للثقافة و 6 أيام للبرمجة وأسبوع للتحليل وأسبوع للجبر و5 أيام للإنكليزي , وبالنسبة لأنصاف النواقل ((أول مادة 11 يوم كاملين )) ولما شفت البرنامج هاد قلت هلا منبصم كل مادة بصم قبل الامتحان بس كانت النتيجة عكس هيك تماما!! .
ملل فظيع وتضييع للوقت , وتشتت أثناء دراسة المحاضرات ,لوهلة تمنيت اني كون حامل شي مادة من الفصل الأول!! لحس حالي عم ادرس متل رفقاتي اللي حاملين الفيزياء الكهربائية مثلاَ , ومشان روح عالامتحان وما كون خايف لأني ما تعبت , حاكيت رفيقي طلع الوضع عندو مو أحسن من وضعي , وأنا عم اشكيلو قلي وأنا آخر يومين ما درست يعني لو انن حاطين لهل المادة 4 أيام بس كنا انضغطنا ودرسنا أكتر!! .
ما بعرف ليش هيك بصير , عنجد نحنا الطلاب منضل نحكي نحكي بس مشان نحكي بس مو مشان شي أكتر , ولو كان في برنامج غير هالبرنامج كنا رجعنا لنفس الدوامة القديمة الجديدة آآآآخ .

���,دراسة

Entry filed under: معلوماتية, هندسة معلوماتية, حكي. Tags: , , , , .

أنا برازيلي … المتة … المشروب السوري الأول

10 تعليقات Add your own

  • 1. Ibraheem  |  7 يونيو 2010 الساعة 10:13 م

    بيصير هك يا زميل …

    يعني نحنا بالهيئة منتعب و منسهر و نركوض ورا ادارة الكلية منشان تزيد عدد ايام الفحص منشان أخوانا الطلبة يرتاحوا ….

    بترحوا انتوا ما بتدرسوا ….
    عفكرة نحنا مدة الفحص عنا أكبر من اي كلية …. و نحنا الوحيدين يلي سمحولنا نحط مواد يوم السبت …. واكيد ذلك بعد محارية قوية و حامية الوطيس مع الكلية

    لو عملنالكون كل مادة 3 ايام كنتوا صرعتونا …

    ما بيعحبكون العجب ولا الصيام برجب .

    بس رح طمنك بداية من السنة الجاي رح يكون الامتحان مدته اسوعين على اكثر احتمال ….. يا اقل
    يعني كل مادة قدامها يوم و نص بس …. لهك حاولوا ما تحملوا مواد

    رد
    • 2. zeino8  |  7 يونيو 2010 الساعة 10:42 م

      نحنا لولا الهيئة شو منسوا ؟؟؟ مش !!!
      بس عنجد يا زميل , لولا أنو المادة الجاي برمجة كان انخرب بيتي على الدراسة هي , ملل على شوب على شو بد قلك .
      وبعد تجربتي هالامتحان أنا برأيي امتحانات 14 يوم أحسن من المطمطة اللي ما إلها معنى لأنو النتيجة رح تكون نفسا , وبعدين على القليلة منخلص بكير , وبكون في دورة صيفية للحملة 

      رد
  • 3. علي ابراهيم  |  8 يونيو 2010 الساعة 12:48 ص

    والله يا زين أنت عم تقول هيك هلق لأنك لسه ما انحطيت بموقف الأسبوعين , بس لما بيتطبق علينا النظام الجديد من السنة الجاية , هون رح تكون البهدلة ويتغير رأيك كلو وتقول يا ريتني عم مل بهالامتحانات .
    بعدين دخيلك ليش عم تمل أنا بالنسبة الي مقضاها تسلاية يعني بدرس كم ساعة باليوم والباقي تلفزيون وكمبيوتر وانترنيت بقى من وين الملل ولك عمي والله حتى نترحم على هالأيام يا صديقي 

    رد
    • 4. zeino8  |  8 يونيو 2010 الساعة 1:41 ص

      معك حق , بس الكل عايشين نفس الحالة اللي أنا عم مر فيا على الأغلب , أنا كنت مفكر انو عم حضر لامتحان البرمجة رح كون بقمة السعادة والارتياح , رح آكل المحاضرات أكل , بس يمكن … عنجد ما بيعجبنا العجب

      رد
  • 5. حسام الأخرس  |  8 يونيو 2010 الساعة 8:24 ص

    دائما نحاول الألتزام ببرنامج معين نقضي وقت طويل في كتابته وتنسيقه ثم نحاول أن نطبقه على أرض الواقع ولكن سرعان ماتتبخر آمالنا التي عقدناها عليه أعتقد أننا من الشعوب التي تهوى العشوائية فحالي ليس أفضل من حالك أمتلك الكثير من الخطط والبرامج ولكني لغاية الآن لم تساعدني في تنظيم وقتي كما أرغب أتمنى لك وللجميع النجاح🙂

    رد
    • 6. zeino8  |  8 يونيو 2010 الساعة 10:53 ص

      شكراَ إلك حسام , وإنشاء الله نتمكن في المستقبل من تجاوز هذه العقبات ونتمكن من الوصول إلى تنظيم واستغلال أكبر للوقت , ونتخلص من العشوائية , موفق وشكراَ على مرورك .

      رد
  • 7. SunSet  |  12 يوليو 2010 الساعة 4:04 م

    والله أنا الصراحة لو قد ما كان قدام المادة وقت ما بدرسها الا آخر يومين “وطبعا غالباً ما بلحق كملها😦 “

    رد
  • 8. zeino8  |  12 يوليو 2010 الساعة 4:12 م

    إذا كنتي عم تدرسي بسوريا .. فبأكدلك أنك السنة الجاي رح تدرسي طول فترة الامتحان , لأنو ما يكون في يومين قبل الفحص .😐😐

    رد
  • 9. SunSet  |  12 يوليو 2010 الساعة 4:19 م

    هههههه
    شكلي لح بطل دراسة من اصله🙂

    رد
  • 10. zeino8  |  12 يوليو 2010 الساعة 4:26 م

    هههههه
    يا ريت لو فينا ما ندرس …🙂

    رد

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

Trackback this post  |  Subscribe to the comments via RSS Feed


I Love chess !!

I play chess at Chess.com!

ضيوف المدونة

  • 45,474 ضيف

الأرشيف

أحدث التدوينات

أهم النقرات

  • بدون

RSS نشرة الأخبار التقنية

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.

RSS روابطي المفضلة

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.

إذا أحببت أن تصلك أخبار المدونة , بادر إلى التسجيل

انضم 5 متابعون آخرين

RSS من هنا وهناك

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.

RSS My 4shared

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.

world map hits counter

visitors by country counter


%d مدونون معجبون بهذه: