حكايتي مع الشطرنج

18 سبتمبر 2009 at 3:46 ص 5تعليقات

مرحبا
المرة الماضية تكلمت عن المعلوماتية وقلت أنه الفرع الأروع في العالم
المرة هذه ما رح غير رأيي , بس بدي عرفكم على صديقي القديم اللي بشكل مع المعلوماتية وشي تاني بعدين بحكي عنو الثالوث المقدس بالنسبة لي.
صديقي القديم هوي بصراحة لعبة ورياضة ذهنية و متعة , هي لعبة الشطرنج.

pawn_queen

وأنا عم اكتب التدوينة هي عم حاول ارجع بذاكرتي إيمتى بلشت إلعب اللعبة هي, مين علمني ياها إيمتى بلشت إلعبها ,بصراحة ما عم اذكر.
اللي قدرت اتذكرو هوي أنو كنت صغير وقتا لما كنت شوف أخواتي التلاتة ((أكبر مني)) عم يتنافسو , وبابا يتفرج عليهن ويشجعن
طبعا أنا لأني صغير الكل بحاولو يبعدوني مشان ما خرب اللعبة ومن وقتها صرت وقف من بعيد راقب المباريات وأحيانا الخناقات (انتي العبتي هيك, رجعيلي الوزير , أنا فزت…….. ) بس كنت من وقتا عم حاول اتعلم اللعبة اللي بعدين عشقتا بمعنى الكلمة.
ما بعرف كيف مرت الأيام صرت صف أول , صرت(أنا اللي كانو أخواتي يبعدوني عن الشطرنج ) اتحداهن وما لاقيت حالي غير بلشت اغلبهن , مشان هيك بطلو اتنين من أخواتي لعب الشطرنج وضليت أنا وأختي اللي بتزيدني ب 3 سنوات نمارس اللعبة هي.
بالوقت هاد كنت تعرفت على صديقي الكمبيوتر , وهي قصة تانية انشالله بتكلم عنها بتدوينة تانية.
مرت الأيام وصرت صف تالت , الصيفية إجت وأنا متعلق بلعبة الشطرنج , راح بابا سجلني بنادي مصفاة بانياس شطرنج وكارتيه وسباحة.
منضل بالشطرنج تعرفت على رفقات إلي وصار بيناتنا سباقات ورغم أني كنت أصغر واحد كنت أحيانا اتفوق على اللي أكبر مني , وانقضت الصيفية وتركت النادي ورجعت على الدراسة للصف الرابع.
بالفترة هي (الصف الرابع) جبنا أول كمبيوتر على البيت .
مرت الأيام وصرت صف خامس , وسمعت الأستاذ عم يقول مين بدو يشارك بمسابقة الرواد.
أنا رفعت إيدي عأساس بدي سجل شطرنج , وكان الأمر , وطبعا كان لازم يكون في واحد بس من المدرسة .
كنا 8 طلاب عملنا تصفيات ولحسن الحظ طلعت أنا الأول , ورحت بدي العب شطرنج على مستوى المنطقة.
بعد تأهلي عن المدرسة , اتجهت إلى مدرسة جلال خدام للمنافسة على مستوى المنطقة , وكان بانتظاري صديق من نادي الشطرنج وكان متأهل عن مدرسة المساكن وما كان في حدا غيرنا .
العبنا المبارات وفزت عليه متل عادتي القديمة ((أيام ما كنا نلعب)) وبعد أسبوع إجاني خبر حضر حالك للمنافسة على مستوى المحافظة.
توجهت أنا وأبي إلى مدرسة ذات النطاقين في طرطوس للمنافسة , كان في 8 لاعبين أو 8 طلاب من بينهم أنا .
جرت قرعة ولعبو كل اتنين مع بعض ((الفايز بيتأهل والخسران الله معو)) لعبت المبارتين الأولانيين فزت فيهن وباقي المباراة الأخيرة واللي بتحدد إذا بدي اطلع ع الشام, هون لاحظت شي غريب تم تأخير المباراة لسبب غير معروف وواحد فايت واحد طالع , والمفاجأة أنولعبوني مع واحد خسران.
هون بين كلشي قدامي هاد اللي رح يتأهل (خير شر ) وإلا ممكن يصير زلزال بمديرية التربية , وصار متل ما توقعت المهم اتأهل الزلمي وأنا رجعت على البيت مبسوط بالتجربة اللي قضيتا ومزعوج لأنو واحد خسران طلع لينافس على مستوى القطر.
يمكن أنا طولت شوي , بس لسا في حكي كتير ما حكيتو رح اتركو لتدوينات جايي انشالله.

Entry filed under: هواياتي. Tags: , , , , , .

ترفيه // غبي واشترك بمسابقة // عيد الفطر السعيد

5 تعليقات Add your own

  • 1. sam  |  18 سبتمبر 2009 الساعة 3:09 م

    شو أبو الزوز , كنا منعرف أنك بتحب الشطرنج بس ما حدا فينا بيعرف أنو إلك مغامرات معو.
    انشالله موفق
    صديقك

    رد
  • 2. zeino8  |  18 سبتمبر 2009 الساعة 3:24 م

    أهلين سامر,
    شكرا كتير وأكيد لو صارتلي مناسبة كنت قلتلك
    بس أنا ما تعرفت عليك لحتى صرت تاسع صحيح ولا لاء, بس كلشي صار معي بعدين بتعرفو.

    رد
  • 3. ابراهيم  |  18 سبتمبر 2009 الساعة 7:35 م

    الشطرنج لعبة رائعة بس ماني لعيب فيها
    وطالما عندك الإلمام هاد بالشطرنج فهاد شي كتير كويس

    رد
  • 4. dido  |  21 سبتمبر 2009 الساعة 2:18 م

    الشطرنج لعبة مملة وأنا ما بحبا

    رد
  • 5. zeino8  |  22 سبتمبر 2009 الساعة 12:43 ص

    بدك لا تآخذني أبو فريج , يعني اللي بعرفو أنك بست الآيادي لحتا لاقيت حدا يعلمك اللعبة , وبالأخير تحكي الحكي هاد هههه😦

    رد

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

Trackback this post  |  Subscribe to the comments via RSS Feed


I Love chess !!

I play chess at Chess.com!

ضيوف المدونة

  • 45,474 ضيف

الأرشيف

أحدث التدوينات

أهم النقرات

  • بدون

RSS نشرة الأخبار التقنية

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.

RSS روابطي المفضلة

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.

إذا أحببت أن تصلك أخبار المدونة , بادر إلى التسجيل

انضم 5 متابعون آخرين

RSS من هنا وهناك

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.

RSS My 4shared

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.

world map hits counter

visitors by country counter


%d مدونون معجبون بهذه: